გადასვლა: ნავიგაცია, ძიება

ტაბაკა

ქათმის ტაბაკა

ტაბაკა


  1. ბრტყლად შემწვარი ვარია;
  2. თხლად დაჭრილი, ფქვილში ამოვლებული, შემწვარი ხორცი, თევზი და მისთ.


ვარიის ტაბაკას მომზადების წესი

მასალა

  • მარილი და პილპილი
  • ქინძის მარცვლები - 1 ჩ.კ.
  • წითელი წიწაკა, დაფქული - 1 ჩ.კ.
  • ძმარი - 4-5 ს.კ.
  • კარაქი - 2 ს.კ.
  • ვარია - 500 გ


ვარიას ძმარი შევაზილოთ და 1 საათი გავაჩეროთ.

შემდეგ გავჭრათ მკერდზე, ხერხემლით ზემოთ დავდოთ და ხელით დავაწვეთ რომ დაბრტყელდეს.

შევურიოთ მარილი, წიწაკა, პილპილი, ქინძის დანაყილი თესლი და ნიორი, წიწილას შევაზილოთ ორივე მხრიდან.

ტაფაზე გავადნოთ 1 კოვზი კარაქი, დავდოთ ვარია, დავაფაროთ ისეთი ზომის სახურავი, რომელიც უშუალოდ ვარიას შეეხება და დავადოთ სიმძიმე. რამდენიმე წუთის შემდეგ, როცა ოქროსფერი ხრაშუნა კანი გაუჩნდება, გადმოვაბრუნოთ და კვლავ სიმძიმის ქვეშ გავაგრძელოთ წვა.

კანის მობრაწვის შემდეგ ვარიას სიმძიმე ავაცალოთ და ჩვეულებრივი თავსახურის ქვეშ დავასრულოთ მომზადება.