ათალიკობა
ათალიკობა
ბავშვის ან ბავშვების გაბარება-გაცემა აღსაზრდელად სხვა ოჯახში. საქართველოში მას მამამძუძეობა ეწოდებოდა. ათალიკობაში მონაწილე ოჯახთა შორის ნათესაობა მყარდებოდა. ათალიკობის ტრადიციას მისდევდნენ ქართველები, ჩერქეზები, ყაბარდოელები, ოსები, ბალყარელები, ყარაჩაელები. ბავშვს აღსაზრდელად მიაბარებდნენ სხვა ოჯახში, სადაც იგი რამდენიმე წლის მანძილზე რჩებოდა. სხვადასხვა ხალხში სხვადასხვა იყო აღსაზრდელად მიბარებული ბავშვის მამისეულ სახლში დაბრუნების ასაკი, წესი და რიტუალი, როგორც ბავშვის გადაცემისას, ისე დაბრუნებისას.
წყარო
- ქართული ეთნოლოგიური ლექსიკონი მთ. რედ. პროფ. სოსო ჭანტურიშვილი. თბ. 2009 წ.
