არმაზი
არმაზი
- ციხე-ქალაქი ქართლში, ამჟამად, დაბა;
- წარმართობის ხანის მთავარი ღვთაება საქართველოში. მისი გაჩენა ქართლის მეფე ფარნავაზის სახელს უკავშირდება. კერპი ფარნავაზის ბრძანებით აღმართეს მცხეთის პირდაპირ მაღალ მთაზე. იგი იყო სპილენძისაგან ჩამოსხმული მეომარი, რომელსაც ტანთ ოქროს აბჯარი ეცვა, თავზე ოქროს მუზარადი ეხურა, თვალების ადგილას ზურმუხტის მწვანე ქვები ჰქონდა, ხელში მახვილი ეპყრა. მის პატივსაცემად დიდი დღესასწაული აგვისტოს თვეში იმართებოდა, მას მსხვერპლად სწირავდნენ პირველშობილ ჩვილს, რაც აკრძალა მეფე რევი მართალმა. კერპმა მეფე მირიანამდე იარსება. მისი მსხვრევა წმ. ნინო კაბადოკიელის მცხეთაში შემოსვლას უკავშირდება.
