ბასლი
ბასლი
სინონიმი: ბასილი
- ერთი მოსაზრებით, არქაული, ზღვის მფარველი ღვთაება ძველ საქართველოში. მის სახელზე ძველად პურის ცომისაგან აკეთებდნენ მამაკაცის გამოსახულებას, რომელსაც გამოცხობის შემდეგ თვალებისა და პირის ადგილზე ჩაუსვამდნენ თევზის თვალებსა და ლაყუჩებს, რაც სათევზაოდ წასვლის წინ კეთდებოდა. მას მებადურნი თავიანთ საქმეში შემწეობას სთხოვდნენ (სამეგრელო).
- მეორე მოსაზრებით, უკავშირდება ბასილი დიდის, ანუ ბასილი კესარიელის სახელს. სვანეთში მას უწოდებენ ბასილ ძუღუაშს და მოიხსენიებენ საახალწლო ლოცვაში. სიტყვასიტყვით ნიშნავს ზღვის ბასილს და იგულისხმვბა ბასილი დიდი.
