კირკაჟი
კირკაჟი
მოხარშული, ამოულესავი და ისე შეზავებული ლობიო
მასალა:
- წითელი ან ჭრელი ლობიო – 600 გრამი
- ნიგოზი – 1 ჩაის ჭიქა
- დანაყილი ქინძი – 1 ½ სუფრის კოვზი
- ნიორი – 2 ცალი
- ხახვი- 1 ცალი
- ძმარი – 3 სუფრის კოვზი
- ქინძი – 2 სუფრის კოვზი
- მარილი და წიწაკა – გემოვნების მიხედვით
მომზადების წესი:
- ჩვეულებრივი წესით მოვხარშოთ წითელი ან ჭრელი ლობიო. გადმოვყაროთ ფლავსაწურზე, რომ სისველე არ შეჰყვეს.
- დავნაყოთ წიწაკა, ნიორი და ქინძი. დანაყილ ნიგოზს ზეთი გამოვხადოთ და ცალკე ფინჯანზე გადავიტანოთ.
- ნიგოზი, ნიორი, წიწაკა ავურიოთ 3 სუფრის კოვზ ღვინის ძმარში, ზედ დავაყაროთ მოხარშული და გაწურული ლობიო და ფრთხილად ავურიოთ კოვზით, რომ ლობიოს მარცვლები არ დაისრისოს. შემდეგ გადავიტანოთ ლანგარზე, ზევიდან ლამაზად დავაწყოთ ალყად დაჭრილი ხახვი, წვრილად დაჭრილი ქინძი და მოვასხათ გამოხდილი ნიგვზის ზეთი.
- ასევე შეიძლება მოვამზადოთ მუხუდოს და ცერცვის კირკაჟი.
