ნიალას გორა
ნიალას გორა (ოჯაყარი) მდებარეობს სოფ. ნიალასა და ლებისს შორის არსებულ ქედზე, რომელიც წარმოადგენს აღნიშნული სოფლების საზღვარს. ქედის თხემზე, "ოჯაყარის" მთის ჩრდილოეთ ფერდზე, არქეოლოგიურმა ექსპედიციამ, ო. ჯაფარიძის ხელმძღვანელობით, 1975 წელს გაავლო სადაზვერვო თხრილი. გათხრების შედეგად გამოვლინდა დიდი რაოდენობით ადრე¬ბრინჯაოს ხანის მტკვარ-არაქსული და შუა საუკუნეების კერამიკის ფრაგმენტები. გორას თავზე შემოუყვება კედელი. ნამოსახლარის პერიმეტრზე იკრიფებოდა მტკვარ-არაქსის კულტურისათვის დამახასიათებელი კერამიკის ფრაგმენტები. ასეთივე სურათი დადასტურდა ამავე მთის დაბლა მდებარე მოედანზე.[1] დაზვერვების დროს, ჩემს მიერ, იმავე ფერდზე, სადაც არქეოლოგიური გათხრები მიმდინარეობდა, აიკრიფა მტკვარ-არაქსული კულტურის კერამიკის ნიმუშები, თუმცა გორის თავზე არსებულ ციკლოპურ ციხეზე, ზედაპირული არქეოლოგიური მასალა არ დადასტურებულა.
ნიალას გორა
| ქვეყანა | საქართველო |
| რეგიონი | სამცხე |
| მუნიციპალიტეტი | ასპინძის |
| უახლოესი დასახლება | ნიალა |
| აბსოლუტური სიმაღლე | 1994 მ |
| მოიცავს | 0.63 ჰა |
| კედლის სისქე | |
| გრძედი | 41.363288° N |
| განედი | 43.184381° E |
| Google Plus კოდი | 957M+8Q Mirashkhani |
| ტიპი | გამაგრებული დასახლება |
წყარო
- დიმიტრი ნარიმანიშვილი, საქართველოს ციკლოპური სიმაგრეები, თბ., 2019
ლიტერატურა
</div>- ↑ ჯაფარიძე ო., მესხეთ-ჯავახეთის არქეოლოგიური ექსპედიციის 1975 წლის მუშაობის ანგარიში (ხელნაწერი. ინახება საქართველოს ეროვნული მუზეუმის, ოთ. ლორთქიფანიძის არქეოლოგიის ინსტიტუტის არქივში), 1975, გვ. 7
