ქოცო
ქოცო
მცირე ტევადობის თიხის ქვევრი, ღვინის არყისა და ტკბილის ჩასასხმელად. ქვევრზე პატარაა და კოკაზე მოზრდილი – 20-40 ლიტრის ტევადობის. მცირე ტევადობის ქვევრთა რიცხვს მიეკუთვნება აგრეთვე ყვიბარი", ლახუტი. (დას. საქ.), ლაგვანი (სამეგრ.), შროშაში 10 – 12-ლიტრიანი ქოცოებიც მზადდება.
აღსანიშნავია, რომ სულხან-საბას ლექსიკონისეული განმარტება მცირედი ცვლილებით ჯერ კიდევ შემორჩენილია იმერეთის რეგიონში, სადაც დიდი ზომის თიხის საღვინე ჭურჭელს ჭურს უწოდებენ, უფრო მცირეს ქვევრს, რომელიც ჭურისაგან მხოლოდ ტევადობით განსხვავდება. ქვევრზე უფრო პატარა ზომის ჭურჭელს კი ქოცო ჰქვია.
წყაროები
- ქართული მატერიალური კულტურის ეთნოგრაფიული ლექსიკონი პროექტის ავტ. და სამეცნ. ხელმძღვ. ელდარ ნადირაძე ; რედ. როინ მეტრეველი ; ავტ.-შემდგ.: გვანცა არჩვაძე, მარინა ბოკუჩავა, თამარ გელაძე და სხვ., თბ., მერიდიანი, 2011
- სულხან-საბა ორბელიანი, ლექსიკონი ქართული, ტ. I. 1991
